جیسمین منظور پر سابق شوہر کا تشدد، خبر عالمی میڈیا کی توجہ کا مرکز

کراچی( رپورٹ/ اختر علی اختر)یہ میری کہانی ہے، میری زندگی تباہ ہوگئی۔ جیسمین منظور کا سابق شوہر پر گھریلو تشدد کا الزام، خبریں بین الاقوامی میڈیا کی توجہ کا مرکزبن گئی، خاص طور بھارتی میڈیا کی بھر پور توجہ حاصل کی۔ معروف ٹی وی اینکر نےاپنی آنکھ پر شدید زخموں کی تصاویر سوشل میڈیا پر شیئر کردیں۔اس طرح کے واقعات پہلے بھی سامنے آچکے ہیں۔ معروف ٹی وی اینکرعائشہ جہاںزیب، گلوکارہ نصیبولعل اوراداکارہ نرگس پر بھی شوہرکے تشدد کی خبریں میڈیا کی زینت بنی تھیں۔ ہمیشہ مضبوط، خودمختار اور بےباک سوالات کے لیے مشہور جسمین اب اپنی ذاتی زندگی کے دردناک پہلو کو دُنیا کے سامنے لائی ہیں۔ تفصیلات کے مطابق سینئر پاکستانی صحافی اور ٹی وی اینکر جسمین منظور نے اپنے سابق شوہر سعد رفیق پر گھریلو تشدد کا الزام لگاتے ہوئے X (پہلے ٹوئٹر) پر اپنی آنکھ پر زخموں کی تصاویر شیئر کی ہیں۔ انہوں نے اپنی آنکھ کے ارد گرد سوجن اور نیل کی واضح تصاویر اپلوڈ کیں۔ان تصاویر کے ساتھ جسمین منظور نے جذباتی اور دل دہلا دینے والے جملے تحریر کیے ہیں۔ ’’ وہ کہتی ہیں کہ یہ کسی کے ساتھ بھی ہو سکتا ہے۔