عمران گورائیہ وزیراعظم کے کوارڈینیٹر برائے پبلک افیئرز مقرر،نوٹیفکیشن جاری

اسلام آباد،لاہور(پ ،ر) عمران گورائیہ وزیر اعظم شہباز شریف کے کوارڈینیٹر برائے پبلک افیئرز مقرر،وزیراعظم سیکرٹریٹ نے انکی تقرری کا باقاعدہ نوٹیفکیشن جاری کردیا۔عمران گورائیہ نے اظہار تشکر کرتے ہوئے کہا کہ وزیراعظم شہباز شریف اور قائد نواز شریف سمیت سابق وزیراعلی پنجاب حمزہ شہباز کا ممنون ہوں جنہوں نے اس ذمہ داری کے قابل سمجھا۔ایڈوائزر ٹو پی ایم عمران گورائیہ نےکہا کہ یہ ذمہ داری اس ہی ویژن کی تکمیل میں ایک سنگ میل ہے۔ اللہ کا شکر ہے جس نے حمزہ شہباز کی سیاسی صحبت کے ذریعے عوامی مسائل کو قریب سے سمجھنے اور ان کے حل کی سمجھ بوجھ پیدا فرمائی۔ وہ اپنے قائدین اور جماعت کے اعتماد پر پورا اترتے ہوئے عوام کی خدمت کرنے کا عزم لے کر میدان میں اترے ہیں۔