آئین کیساتھ جو عمران نیازی نے کیا کوئی دوسرا کرتا تو پھانسی پر جھول چکا ہوتا، مریم نواز

لاہور/اسلام آ باد(پی پی آ ئی)مسلم لیگ(ن) کی نا ئب صدر مریم نواز نے کہا ہے کہ ملک کے آ ئن کے ساتھ عمران نیاز ی نے جو کھلواڑ کیا ہے کہ اگر کو ئی اور کرتا ا تو اب تک پھانسی پر جھول چکاہوتا۔ عمران خان نے گرفتاری سے بچنے کیلئے آئین، قانون،رولز اور پروسیجرز کا سرِبازار تماشہ لگایا اور یہ سب کر کے بھی دندناتا پھر رہا ہے، پرویز الٰہی کوتحریک انصاف کے جرائم میں حصہ دار نہیں بننا چاہئے، سمجھ سے باہر ہے کہ ایک سیاسی شخص ہاری ہوئی بازی کیوں کھیلے گا، ان خیالات کا اظہار انہوں نے گزشتہ روز سماجی را بطے کی ویب سائٹ پر اپنے پیغام میں کیا۔ مریم نوازنے مزید کہا ہے کہ ’’حیرانگی کی بات یہ نہیں کہ عمران خان نے گرفتاری سے بچنے کے لیے ملک، آئین، قانون،رولز اور پروسیجرز کا سرِبازار تماشہ لگایا،،تکلیف دہ بات یہ کہ یہ سب کر کے بھی وہ دندناتا پھر رہا ہے۔ کسی دوسرے سیاسی رہنما نے اگر یہ کیا ہوتا تو اب تک پھانسی پر جھول گیا ہوتا‘‘۔مریم نواز نے کہا کہ عمران خان اور پی ٹی آئی کا سیاسی مستقبل تو اب ختم ان ہوا ، لیکن پرویز الٰہی صاحب کو اس کے اس کے جرائم کا حصہ دار نہیں بننا چاہیے جبکہ وہ جانتے ہیں کہ عمران کے یہ ہتھکنڈے اب زیادہ دن نہیں چلیں گے۔ سمجھ سے باہر ہے کہ ایک سیاسی شخص ہاری ہوئی بازی کیوں کھیلے گا۔