امریکی حملوں میں ایران کی تین میں سے صرف ایک ایٹمی سائٹ تباہ ہوئی،ا مریکی میڈیا

کراچی (جنگ نیوز)امریکی ٹی وی این بی سی نیوز کی ایک خصوصی رپورٹ ہے جس میں امریکی انٹیلیجنس کا تازہ جائزہ پیش کیا گیا ہے۔ جس میں کہا گیا ہے کہ— امریکی حملوں سے ایران کے تین میں سے صرف ایک ایٹمی مقام تباہ ہوا۔امریکی فوجی حملے کا مقصد ایران کے تین جوہری تنصیبات کو نشانہ بنانا تھا۔لیکن تازہ جائزے کے مطابق صرف ایک سائٹ کو مکمل نقصان پہنچا۔صدر ڈونلڈ ٹرمپ نے ایک وسیع تر فوجی منصوبہ مسترد کر دیا تھا، جس کے تحت کئی ہفتوں تک جاری رہنے والے حملے کیے جانے تھے۔این بی سی نیوز نے یہ بھی بتایا کہ یہ معلومات انہیں باوثوق ذرائع سے ملی ہیں۔