شجاعت اور بہادری کا مظاہرہ کرنیوالے 71 افراد کیلئے اعلیٰ سول اعزازات کی منظوری

‎ اسلام آباد(طاہر خلیل )شجاعت اور بہادری کا مظاہرہ کرنیوالے 71 افراد کیلئے اعلیٰ سول اعزازات کی منظوری، شہدائے وطن ہمارے سرکا تاج ،غازی قوم کےہیرو ہیں ،وزیر داخلہ کی زیر صدارت اجلاس کے فیصلے ،وفاقی وزیر داخلہ محسن نقوی کی زیر صدارت کابینہ ڈویژن میں اہم اجلاس منعقد ہوا۔اجلاس میں ملک و قوم کی حفاظت کیلئے بہادری اور شجاعت کا مظاہرہ کرنے والوں کیلئے سول ایوارڈز کی نامزدگی کا جائزہ لیا گیا۔ اجلاس میں مجموعی طور پر 71 افراد کیلئے مختلف سول اعزازات کی منظوری دی گئی،وزیر داخلہ نے کہا کہ ملک و قوم کی حفاظت کیلئے جان نچھاور کرنے والوں اور غیر معمولی بہادری کا مظاہرہ کرنے والوں کی حوصلہ افزائی انتہائی ضروری ہے، ان لوگوں نے اپنی جانوں کی پرواہ کیے بغیر ملک کی بے مثل خدمت کی ، قوم ان بہادر سپوتوں کی ہمیشہ مشکور رہے گی، شہدائے وطن ہمارے سر کا تاج ہیں، ان کی لازوال قربانیوں کو ہمیشہ یاد رکھا جائے گا،غازی قوم کے ہیرو ہیں اور ان کی جرات پر سب کو ناز ہے، شہداء اور غازیوں کی قربانیوں کو ہرگز رائیگاں نہیں جانے دیا جائے گا۔