پاکستان:کورونا سے تیسرے روز بھی صفر اموات ، 148نئے کیسز رپورٹ

اسلام آباد(آئی این پی) پاکستان میں مسلسل تیسرے روز بھی کورونا سے کوئی شخص جاں بحق نہیں ہوا جبکہ24گھنٹے کے دوران 148کیسز رپورٹ ہوئے، اس دوران26ہزار413ٹیسٹ کئے گئے اورمثبت کیسز کی شرح 0.56 فیصد ر ہی جبکہ ایک روز میں 212 افراد صحت یاب ہو ئے ۔ تازہ اعدادوشمار کے مطابق ملک میں گزشہ 24 گھنٹے کے دوران کورونا کے مزید 148 نئے کیسز رپورٹ ہوئے جس کے بعد مریضوں کی کل تعداد 15 لاکھ 25 ہزار 923 ہوگئی۔ ملک بھر میں مسلسل تیسرے روز بھی کورونا سے کوئی اموات نہیں ہوئیں جبکہ کورونا سے اموات کی مجموعی تعداد 30 ہزار 361 تک پہنچ گئی ہے ۔ ملک بھر کے مختلف ہسپتالوں میں کورونا سے متاثرہ 09 ہزار 098 مریض زیرعلاج ہیں، جن میں سے 310 مریضوں کی حالت تشویشناک ہے، ملک بھر میں مثبت کیسز کی شرح 0.56 فیصد ریکارڈ کی گئی ہے ۔ وائرس سے ایک روز میں 212 افراد صحت یاب ہوئے ۔ ملک بھر میں گزشتہ 24 گھنٹے کے دوران 26 ہزار 413 کورونا کے ٹیسٹ کئے گئے۔