موسمیاتی تبدیلی اور دہشت گردی جیسے عالمی مسائل ابھر رہے ہیں، چینی صدر

بیجنگ (این این آئی)چین کے صدر شی جن پنگ نے کہا ہے کہ موسمیاتی تبدیلی اور دہشت گردی جیسے عالمی مسائل یکے بعد دیگرے ابھر رہے ہیں، کووڈ19کی وبا اب بھی پھیل رہی ہے،عالمی برادری کو زیادہ متحد ہونا چاہیے،دنیا صرف اسی صورت میں ان مسائل کا موثر طور پر جواب دے سکتی ہے جب وہ زیادہ متحد ہو اور مل کر مشترکہ مستقبل کے لئے جدو جہد کرے. بد ھ کے روز چینی میڈ یا نے بتا یا کہ بیجنگ سرمائی اولمپکس وبا کے پھیلنے کے بعد سے شیڈول کے مطابق کامیابی کے ساتھ منعقد ہونے والا پہلا عالمی جامع کھیلوں کا ایونٹ ہے،بیجنگ سرمائی اولمپکس میں شی جن پھنگ نے نشاندہی کی کہ عالمی برادری کو ʼزیادہ متحدʼ ہونا چاہئے۔ یہ ضروری ہے کہ حقیقی کثیرالجہتی پر عمل کیا جائے، اقوام متحدہ کی قیادت میں قائم بین الاقوامی نظام برقرار رکھا جائے، بین الاقوامی قانون پر مبنی بین الاقوامی نظم کو بہتر بنایا جائے، اور مشترکہ طور پر ہم آہنگ تعاون کا ایک بین الاقوامی خاندان بنایا جائے۔ حیرت انگیز، غیر معمولی اور شاندار سرمائی اولمپکس کا کامیاب انعقاد صدر شی جن پھنگ کی قیادت میں چین کی طرف سے دنیا کے ساتھ کئے گئے ایک پختہ وعدے کی تکمیل ہے۔