امیدہے عدالت آئین شکنی کا سختی سے نوٹس لے گی، خرم دستگیر

لاہور(پی پی آ ئی)مسلم لیگ(ن) کے رہنما خرم دستگیر نے کہا ہے کہ امید ہے عدالت آئین شکنی کا سختی سے نوٹس لے گی۔لیگی رہنما خرم دستگیر نے میڈیا سے گفتگو کرتے ہوئے کہا ہے کہ پنجاب اسمبلی کے دروازے منتخب نمائندوں کیلئے ویلڈنگ کرکے بند کیے جا رہے ہیں۔انہوں نے کہا کہ اسکو سرپرائز نہیں کہتے یہ شرم کا مقام ہے، یہ آئین سے بغاوت ہے، اس حکومت نے پہلے پاکستان کے غریب عوام کا قتل کیا آج وہ پاکستان کے مختلف اداروں پر حملہ آور ہے۔خرم دستگیر نے کہا ہے کہ اس حکومت کیخلاف کوئی بیرونی سازش نہیں، اس حکومت کیخلاف غریب پاکستانیوں کے بدعا کیلئے اٹھے ہوئے ہاتھ ہیں۔ لاہور میں بھی انکا اقتدار ختم ہونیوالا ہے، 50 سال پہلے جب اکثریت عوامی رائے کو ماننے سے انکار کیا گیا تو ملک ٹوٹا تھا، اس آئین کا حکم ہمیں ماننا ہوگا۔