یوٹیلیٹی سٹورز کارپوریشن پر رمضان ریلیف پیکیج کامیابی سے جاری

اسلام آباد (اے پی پی)وفاقی حکومت کا عوام کی سہولت کیلئے 19بنیادی اشیا ء پر خصوصی سبسڈی فراہم کرنے کیلئے یوٹیلیٹی سٹورز کارپوریشن پر رمضان ریلیف پیکیج کامیابی سے جاری ہے، یوٹیلیٹی سٹورز کارپوریشن 19بنیادی اشیاء پر عام مارکیٹ کی نسبت 20 فیصد تک ڈسکاونٹ آفر کر رہی ہے ،اس کے علاوہ ملک کے تما م یوٹیلیٹی سٹورز پر دستیاب 1500سے زائد اشیاء پر بھی15 فیصد تک خصوصی رعایت دی جا رہی ہے۔یو ایس سی کے مطابق اس سلسلے میں یوٹیلیٹی سٹورز کارپوریشن کی طرف سے ملک بھر میں پھیلے چار ہزار سے زائد سٹورز کے ذریعے تمام اشیاء کی بلاتعطل فراہمی یقینی بنائی گئی ہیں۔ یکم اپریل سے اب تک16لاکھ سے زائد خاندان اس پیکج سے مستفید ہو چکے ہیں۔