سعودی عرب میں غیرمعیاری سہولتیں فراہم کرنے پر7عمرہ کمپنیاں معطل

ریاض (نیوزڈیسک)سعودی عرب کی حکومت نے قواعد کی خلاف ورزی اور معتمرین کو غیرمعیاری سہولیات فراہم کرنے پر ٹریول کمپنیوں کے خلاف کارروائی کی ہے۔ سعودی وزارتِ حج و عمرہ نے ریگولیٹری کنٹرولز کی خلاف ورزیوں پر سات عمرہ کمپنیوں کو معطل کر دیا۔ان کمپنیوں پر معتمرمین کو وعدے کے برخلاف اور بغیر لائسنس والی غیرقانونی رہائش گاہوں میں قیام کرا نے اور غیرمعیاری خدمات فراہم کرنے کا الزام تھا۔غیرملکی خبر رساں ادارے کے مطابق۔ سعودی وزارتِ حج و عمرہ نے ریگولیٹری کنٹرولز کی خلاف ورزیوں پر سات عمرہ کمپنیوں کو معطل کر دیا۔سعودی وزارت حج و عمرہ کی جانب سے جاری بیان میں کہا گیا ہے کہ ʼاللہ کے مہمانوں کو فراہم کردہ خدمات کے معیار کو بہتر بنانے کے لیے کڑی نگرانی جاری رکھی جائیں گی۔بیان میں مزید کہا گیا ہے کہ عمرہ کمپنیوں کی اِن خلاف ورزیوں کی نشاندہی نگرانی کے اس عمل کے دوران دیکھی گئیں۔وزارت حج و عمرہ کے مطابق ان خلاف ورزیوں پر مقرر کردہ سزاؤں پر عمل درآمد کی تیاری میں مذکورہ کمپنیوں کے خلاف فوری قانونی اقدامات شروع کر دیئے۔وزارت حج و عمرہ نے تمام عمرہ کمپنیوں اور اداروں کو متنبہ کیا ہے کہ ضوابط کی پاسداری کریں اور حکومتی ہدایات پر مکمل عمل کریں۔