پرانی گاڑیوں کے مالکان کی بھی بائیومیٹرک تصدیق کا فیصلہ

لاہور (نیوزرپورٹر)محکمہ ایکسائزنے پرانی رجسٹرڈ گاڑیوں کے مالکان کی بھی بائیومیٹرک تصدیق کا فیصلہ کیا ہے ،مقررہ وقت میں بائیو میٹرک نہ کرانیوالے مالکان کی گاڑیاں سسٹم میں معطل کردی جائیں گی۔ڈائریکٹرریجن سی رانا قمرالحسن سجادکا کہنا ہے کہ رواں ماہ کے اختتام پر پنجاب بھرمیں 1ہزار سی سی سے اوپر گاڑیوں کی بائیومیٹرک تصدیق کا عمل شروع کیا جائیگا۔پہلے سےرجسٹرڈ 1ہزار سی سی سے چھوٹی گاڑیوں کی بائیو میٹرک دوسرے مرحلے میں کی جائیگی۔پرانی گاڑیوں کے مالکان کی بائیو میٹرک سے جعلی ٹرانسفر مکمل طور پر ختم ہو جائیگی،پرانی گاڑیوں کی بائیو میٹرک کا مقصدڈیٹا بینک تیار کرنا ہے۔شہری اپنی گاڑیوں کی بائیوایکسایزدفاتر اورنادرا کے ای سہولت مراکز سے کراسکتے ہیں۔