بارش سے تباہ کاریاں، مسئلہ گورننس کا ماحولیاتی تبدیلی کا نہیں ،تجزیہ کار

کراچی (ٹی وی رپورٹ)جیو کے پروگرام’’ رپورٹ کارڈ ‘‘میں میزبان علینہ فاروق شیخ کے پوچھے گئے سوال موجودہ چیلنجز کو دیکھتے ہوئے پاکستان کی ماحولیاتی پالیسی کتنی موثر ؟ کا جواب دیتے ہوئے انٹرنیشنل کلائمیٹ ایکسپرٹ کار علی توقیرشیخ نے کہا ہے کہ بارشوں سے ہونے والی تباہ کاریوں میں زیادہ مسئلہ گورننس کا ہے ماحولیاتی تیدیلی کا نہیں ،کلائمیٹ پالیسی ایڈووکیٹ زینب نعیم نے کہاکہ ہماری پالیسی بالکل بہترین بنی ہوئی ہے ، ہم پالیسی تو اچھی بنالیتے ہیں لیکن اس پر عملدرآمد میں ہمیں وقت بہت زیادہ لگ جاتا ہے اور اس دوران میں مزید تباہی آجاتی ہے،تجزیہ کار ارشاد بھٹی نے کہاکہ اس ملک میں انسانوں کو حقوق نہیں مل رہے اور ہم بات پانی او ردریاؤں کے حقوق کی کررہے ہیں، افسوس تو یہ ہے کہ دھڑا دھڑ درخت کاٹے جارہے اور ہاؤسنگ سوسائٹیاں بن رہی ہیں برساتی نالوں پر پلازے کھڑے کردیئے گئے ہیں ۔