سندھ طاس معاہدے میں چین کی انٹری بھارت کے لیے خطرے کی گھنٹی

اسلام آباد (فاروق اقدس ) سندھ طاس  معاہدے میں چین کی انٹری بھارت کے لیے خطرے کی گھنٹی، مہمندہائیڈرو پروجیکٹ کی تعمیر تیز کرنے  بڑھانے سے چین بھی پانی کے بہاؤ میں رکاوٹ ڈال سکتا ہے، پہلگام میں ہونے والی دہشت گردی کی واقعہ کے بعد بھارت نے پاکستان کے خلاف بلا تحقیق اور شواہد کے جو یکطرفہ اقدامات کیے تھے ان میں سندھ طاس معاہدے کی معطلی کا فیصلہ بھی شامل ہے۔ بھارت نے 24 اپریل کو آبی جارحیت کا مظاہرہ کرتے ہوئے پاکستان کو پانی کی فراہمی کا سلسلہ منقطع کر دیا تھا جس کے خلاف پاکستان نے سفارتی سطح پر جو موقف اختیار کیا اسے کئی دوسرے ممالک کی جانب سے تحمل اور غیر جانبداری کے ساتھ سنا گیا جبکہ چین نے بھی پاکستان کو اس حوالے سے واضح الفاظ میں سفارتی سطح پر اپنی حمایت کا یقین دلایا جس پر بھارت نے چین کے خلاف اپنے دیرینہ طریقہ کار کے مطابق پروپیگنڈا شروع کر دیا تھا جو اب بھی جاری ہے ۔