نہم آرٹس و سائنس گروپ کے لئے ریاضی کی ایک ہی کتاب

ملتان (سٹاف رپورٹر) نہم آرٹس و سائنس گروپ کے لیے ریاضی کی ایک ہی کتاب شروع کر دی گئی، اب نویں جماعت میں آرٹس گروپ کے طلبہ بھی ریاضی کی وہی کتاب پڑھیں گے جو سائنس گروپ کے طلبہ پڑھیں گے، نہم جماعت میں ریاضی کی ایک ہی کتاب پڑھنے کے حوالے سے پیکٹا نے تمام سکولوں کو ہدایات بھی جاری کر دی ہیں، نہم آرٹس گروپ کیلیے جنرل سائنس کی کتاب ختم کر دی گئی ماہرین تعلیم کا کہنا ہے کہ آرٹس گروپ کے طلبہ کیلیے ریاضی کا نصاب مختصر اور آسان رکھا گیا تھا۔