بڑے آبی ذخائر میں پانی کی صورتحال تسلی بخش، مجموعی قابل استعمال ذخیرہ 82 لاکھ 84ہزار ایکڑ فٹ

اسلام آباد ( آن لا ئن ) ملک کے اہم آبی ذخائر میں پانی کی موجودہ صورتحال تسلی بخش ہے اور مجموعی قابل استعمال ذخیرہ 82 لاکھ 84 ہزار ایکڑ فٹ تک پہنچ چکا ہے، جو فصلِ خریف کے لیے مثبت اشارہ ہے۔ واپڈا کے ترجمان کے مطابق، تربیلا، منگلا اور چشمہ ریزروائر میں پانی کی سطح اور اخراج معمول کے مطابق جاری ہے۔ ترجمان واپڈا نے بتایا کہ تربیلا کے مقام پر دریائے سندھ میں پانی کی آمد 2 لاکھ 60 ہزار 200 کیوسک جبکہ اخراج 2 لاکھ 59 ہزار 800 کیوسک ریکارڈ کیا گیا ہے۔ تربیلا ریزروائر میں آج پانی کی سطح 1530 . 00 فٹ اور پانی کا ذخیرہ 46 لاکھ 3 ہزار ایکڑ فٹ ہے۔ منگلا کے مقام پر دریائے جہلم میں پانی کی آمد 40 ہزار 100 کیوسک جبکہ اخراج صرف 8 ہزار کیوسک ہے۔ منگلا ریزروائر میں پانی کی سطح 1189 . 15 فٹ جبکہ ذخیرہ 36 لاکھ 2 ہزار ایکڑ فٹ تک پہنچ چکا ہے۔