خیبرپختونخوا میں سینیٹ کی نشستوں کیلئے بولیاں لگائی گئیں،عظمیٰ بخاری

لاہور(خصوصی نمائندہ)وزیر اطلاعات پنجاب محترمہ عظمیٰ بخاری نے کہا ہے کہ خیبرپختونخوا میں سینیٹ کی نشستوں کیلئے بولیاں لگائی گئیں، جہاں پارٹی ورکرز ہار گئے اور نوٹوں کی چمک جیت گئی۔عظمیٰ بخاری نے کہا کہ خود تحریک انصاف کے رہنماؤں اور کارکنوں نے اپنی قیادت کے اصل چہرے بے نقاب کر دیے ہیں۔ہارس ٹریڈنگ کی مخالفت کرنے والی جماعت آج سب سے بڑی ہارس ٹریڈنگ کی حمایتی بن چکی ہے۔انہوں نے کہا کہ پارٹی کارکنوں کو نظرانداز کرتے ہوئے مالدار اے ٹی ایمز کو ٹکٹ دیے گئے، جب کہ بانی پی ٹی آئی اس پورے عمل سے نہ صرف باخبر ہیں بلکہ خود اس کھیل میں برابر کے شریک ہیں۔وزیر اطلاعات نے کہا کہ تحریک انصاف نے کارکنوں کو صرف تشدد، دھرنوں اور احتجاج کے لیے استعمال کیا جبکہ اقتدار کے مزے موسمی پرندے لوٹتے رہے۔