وزیراعظم شہباز شریف،صدرآصف زرداری سپیکر سردار ایاز صادق کی محمد آصف کو ورلڈ ماسڑرز سنوکرچیمپئن شپ اور حسنین اختر کو ورلڈ انڈر 17سنوکر چیمپئن شپ جیتنے پر مبارکباد

اسلام آباد( نیوز رپورٹر،نمائندہ خصوصی) وزیراعظم محمد شہباز شریف،صدرِ مملکت آصف علی زرداری، اسپیکر قومی اسمبلی سردار ایاز صادق نے محمد آصف کو ورلڈ ماسڑرز سنوکرچیمپئن شپ جیتنے اور حسنین اختر کو ورلڈ انڈر 17 سنوکر چیمپئن شپ جیتنے پر مبارکباد دی ہے۔ وزیر اعظم اور صدر مملکت نے اپنے اپنے بیان میں کہا ہے کہ پاکستانی سنوکر کھلاڑی پوری دنیا میں اپنا لوہا منوا رہے ہیں۔ وزیراعظم نے کہا کہ سنوکر کی دنیا میں محمد آصف کئی سالوں سے تاریخ رقم کر رہے ہیں۔ اب انڈر 17 سنوکر چیمپیئن شپ جیت کر حسنین اختر نے بھی تاریخ میں اپنا نام سنہری حروف میں درج کروا لیا ہے۔ پوری قوم کو اپنے ان بیٹوں پر فخر ہے۔