دہشتگردی کیخلاف جنگ میں قوم سیکیورٹی فورسز کے ساتھ ہے،شہباز

اسلام آباد ( نیوز رپورٹر)وزیراعظم محمد شہباز شریف نےضلع قلات میں فتنتہ الہندوستان کے دہشت گردوں کے خلاف کامیاب آپریشن پر سیکیورٹی فورسز کو خراج تحسین پیش کیا ہے۔ وزیراعظم نے کامیاب کاروائی میں فتنتہ الہندوستان کے4دہشت گردوں کو ہلاک کرنے پر سیکیورٹی فورسز کی ستائش کی ہے۔ وزیر اعظم نے اپنے بیان میں کہا ہے کہ دہشت گردی کے خلاف جنگ میں پوری قوم سیکیورٹی فورسز کے ساتھ کھڑی ہے۔ وزیراعظم نے کہا ہے کہ ملک سے ہر قسم کی دہشت گردی کے مکمل خاتمے کے لئے پر عزم ہیں۔