سندھ میں بعض مقامات پر موسلا دھار بارش، آج ملک کے دیگر علاقوں میں امکان

اسلام آباد (اپنے نامہ نگار سے )سندھ میں تیزہواؤں اور گرج چمک کے ساتھ بارش جبکہ چند مقامات پر موسلا دھار بارش بھی ہوئی ، محکمہ موسمیات کے مطابق سب سے زیادہ بارش موہنجو دڑو 86، لاڑکانہ 72، سکرنڈ ، حیدرآباد 21، سکھر، پڈعیدن 20، روہڑی اور حیدرآباد ایئرپورٹ 18، خیرپور 17، جیکب آباد 10، میر پور خاص 05، دادو اور کراچی 02، ملی میٹر بارش ریکارڈ کی گئی۔ محکمہ موسمیات کے مطابق آئندہ چوبیس گھنٹوں کے دوران راولپنڈی اسلام آباد سمیت خطہ پوٹھوہار،کشمیر ، بالائی خیبر پختونخوا ، شمال مشرقی پنجاب ، گلگت بلتستان ، شمال مشرقی/جنوبی بلوچستان اور جنوبی سندھ میں تیز ہواؤں اور گرج چمک کے ساتھ بارش کی توقع ہے ۔