حکومت سیلاب سے متاثرہ علاقوں کو آفت زدہ قرار دیدے،ہمایوں اختر خان

ماموں کانجن،تاندلیانوالہ(نامہ نگاران) سابق وفاقی وزیر ہمایوں اختر خان نےحکومت سے مطالبہ کیا ہے کہ وہ سیلاب سے متاثرہ علاقوں کو آفت زدہ قرار دے اور انکی بحالی کے لئے فوری اقدامات کرے انہوں نے کہا کہ جاری مون سون سیزن میں جہاں بڑے پیمانے پر لوگوں کا جانی و مالی نقصان ہوا ہے وہیں سیلاب سے کسانوں کی کھڑی ہزاروں ایکٹر فصلیں تباہ ہو گئیں ہیں سابق وفاقی وزیر نے کہا کہ حکومت کو چاہیے کہ کسانوں کے لیے الگ سے مالی امداد کا اعلان کرے انہوں نے مزید کہا کہ پٹرولیم مصنوعات کی قیمتوں میں حالیہ اضافے سے مہنگائی کی شرح میں مزید اضافہ ہوگا انہوں نے اپنے انتخابی حلقہ این اے 97 میں کسانوں ،سماجی شخصیات اور عمادین سے ملاقات کے دوران کہا کہ وہ حلقہ کے کسانوں اور دیگر طبقہ کے لوگوں کے مسائل سے بخوبی واقف ہیں اور وہ اور انکے ساتھی حلقے کے مسائل کے حل کے لئے دن رات کوشاں ہیں سابق وفاقی وزیر مختلف افراد کے گھر بھی پہنچےجہاں انکے عزیز و اقارب کے انتقال پر اظہار تعزیت اور فاتحہ خوانی کی جہاں مامو کانجن تحصیل بناؤ تحریک کے صدر چوہدری عثمان کاہلوں،چوہدری شاہد واہلہ و دیگر بھی انکے ہمراہ تھے۔