مون سون بارشوں سے پنجاب میں اموات کی تعداد 135ہوگئی

لاہور (نیوزرپورٹر) پنجاب میں حالیہ مون سون بارشوں سے 20جولائی تک جاں بحق افراد کی تعداد 135 ہوگئی جبکہ سیکڑوں افراد زخمی ہوگئے۔پنجاب ڈیزاسٹر مینجمنٹ اتھارٹی (پی ڈی ایم اے) نے مون سون فیکٹ شیٹ جاری کر دی، مون سون بارشوں سے ہونے والے نقصانات سے متعلق اعداد وشمار بھی رپورٹ میں شامل ہے۔رپورٹ کے مطابق رواں سال پنجاب میں مون سون بارشوں کے باعث 135 شہری جاں بحق اور 479 زخمی ہوئے، جبکہ بارشوں کے باعث 156 گھر متاثر ہوئے، زیادہ اموات کچے مکانات، خستہ عمارتوں اور چھتوں کے گرنے کے باعث ہوئیں، آسمانی بجلی گرنے، کرنٹ لگنے اور دریاؤں میں نہاتے ہوئے ڈوبنے سے شہری جاں بحق ہوئے۔ڈی جی پی ڈی ایم اے کے مطابق بارشوں کا چوتھا سپیل آج سے شروع ہونے کا امکان ہے، لاہور، سیالکوٹ، فیصل آباد اور گوجرانوالہ میں مون سون بارشوں سے اربن فلڈنگ کا خدشہ ہے۔