بیلہ : گٹکا اور ماوا استعمال کرنے والے تین سو سے زائد پولیس افسران و اہلکاروں کو وارننگ

بیلہ (نامہ نگار) ضلع لسبیلہ میں گٹکا اور ماوا کے عادی پولیس افسران اور اہلکاروں کی تعداد تین سو سے زائد ہے جنہیں دو ہفتوں کے اندر نشہ ترک کر دینے کی وارننگ جاری کر دی گئی ہے ـ ایس ایس پی لسبیلہ عاطف امیر کے مطابق گٹکا اور ماوا کا استعمال ایک منظم فورس کے قواعد و ضوابط کے صریحاً خلاف ہے جس سے نہ صرف عوام پر منفی اثرات مرتب ہوتے ہیں بلکہ خود پولیس اہلکاروں کو کینسر جیسے جان لیوا مرض سے بھی سابقہ پڑ سکتا ہے ـ انہوں نے کہا کہ عادی افسران و اہلکاروں نے دو ہفتوں کے اندر گٹکا اور ماوا کا استعمال ترک نہ کیا تو ان کے خلاف سخت کارروائی عمل میں لائی جائے گی ـ۔