آسٹرین وزیراعظم الیگزینڈر شلنبرگ مستعفی، کارل نہیمر وزیراعظم کے امیدوار

ویانا(اکرم باجوہ)آسٹریا میںحکومتی سطح پربڑی تبدیلیاں،سابق وزیراعظم سبسٹین کرز کے تمام سیاسی عہدوں سے استعفوں کے بعد وزیراعظم الیگزینڈر شلنبرگ نے بھی استعفیٰ دے دیا ہے، وزیر داخلہ کارل نہیمر وزیراعظم کے مضبوط امیدواربن گئے۔ان استعفوں کے بعدÖVP پارٹی کاحکومتی ٹیم میں کوئی بڑا عہدہ باقی نہیں رہا، وزیر داخلہ کارل نہیمر نئے وزیراعظم اور پارٹی چیئرمین ہوں گے۔ کارل نہیمر کے جانشین لوئر آسٹریا کے دوسرے صدر Gerhard Karner ہوں گے۔ گیرنٹ بلومل وزیر خزانہ اور ویانا ÖVP باس کے طور پر اپنی ریٹائرمنٹ کا اعلان کرنے کے بعد ان کے جانشین کی تلاش کے لیے مشاورت کی گئی۔ میگنس برنر جو اس وقت ریاستی سیکرٹری برائے انفراسٹرکچر ہیں، کےنئے وزیر خزانہ بننےکا امکان ہے۔ ÖVP ویانا میں Blümel نے MP Karl Mahrer کی جگہ پارٹی لیڈر کے طور پرلے لی ہے۔ قلیل مدتی وزیراعظم شلن برگ کے دوبارہ وزیر خارجہ بنائے جانے کا امکان ہے ۔ محکمہ کے موجودہ سربراہ مائیکل لن ہارٹ کی بطور سفیر ویانا واپسی کا امکان ہے۔ وزارت تعلیم میں بھی تبدیلی کی گئی ہے Heinz Faßmann نے مستعفی ہونے کی پیشکش کی ہے اور گریز یونیورسٹی کے ریکٹر مارٹن پولا سچیک عہدہ سنبھالنے والے ہیں۔