نیویارک میں یواین ہیڈکوارٹرکے باہرسے مسلح شخص گرفتار

نیویارک ( نیوز ڈیسک) نیویارک میں اقوام متحدہ کے ہیڈکوارٹرکے باہرسے مسلح شخص کوگرفتارکرلیا گیا۔ امریکی میڈیا کے مطابق مسلح شخص نے شاٹ گن کو اپنے ٹھوڑی پر رکھ کر خود کو ہلاک کرنے کی کوشش کی،جسے پولیس نے ناکام بنادیا۔ پولیس کا کہنا ہے کہ مسلح شخص کے پاس ایک بیگ اوردستاویزات بھی برآمد ہوئیں۔ بیان میں کہا گیا کہ مشکوک مسلح شخص کی اطلاع پرپولیس نے اقوام متحدہ کی عمارت اورقریبی گلیوں کا محاصرہ کیا جو 3گھنٹے جاری رہا۔ مسلح شخص اقوام متحدہ کے مرکزی دروازے پرموجود تھا۔ اس نے پولیس کودیکھ کرگن اپنی ٹھوڑی کے نیچے رکھ لی تاہم گولی نہیں چلائی۔