غیر معیاری کوکنگ آئل اور گھی کی فروخت

پنجگور(نامہ نگار) ایرانی کوکنگ آئل اور گھی کی بندش کے بعد پنجگور کے تاجروں نے غیر معیاری کوکنگ آئل اور گھی فروخت کرنا شروع کر دیا ہے پنجگور میں کسی بھی دکان سے کھجور مارکہ سابق لیور برادرز کے گھی اور کوکنگ آئل دستیاب نہیں جبکہ غیر معروف اور غیر معیاری گھی اور کوکنگ آئل کی بھر مار ہے دکانداروں کے مطابق کھجور مارکہ ڈالڈا کمپنی کے برانڈ مہنگے ہیں لوگ خریدتے نہیں اس سلسلے میں عوامی حلقوں نے فوڈ اتھارٹی مکران سے اپیل کی ہے کہ پنجگور میں غیر معیاری اور مضر صحت غیر معروف کمپنیوں کے کوکنگ آئل اور گھی پر پابندی عائد کی جائے اور چیدگی اور دیگر بارڈرز سے اشیاء خوردونوش خصوصاً گھی اور کوکنگ آئل لانے کی اجازت دی جائے۔