ڈپٹی کمشنر جعفرآباد نے جھٹ پٹ اریگیشن ڈرینیج کامعائنہ کیا

جعفرآباد( خ ن) ڈپٹی کمشنر جعفرآباد خالد خان نے جھٹ پٹ اریگیشن ڈرینیج کے مختلف حصوں کا معائنہ کیا اور متعلقہ محکمہ کے افسران کو ہدایت کی کہ ڈرینیج کے پشتوں کو فوری طور پر مضبوط کیا جائے تاکہ ممکنہ خطرات سے بروقت نمٹا جا سکے انہوں نے واضح طور پر کہا کہ جہاں کہیں بھی پانی کے بہاؤ میں رکاوٹ یا اخراج میں خلل پایا جائے وہاں ہنگامی بنیادوں پر اقدامات کیے جائیں اور صورتحال کو جلد از جلد بہتر بنایا جائےڈپٹی کمشنر نے گوٹھ سانوالہ خان کنرانی میں جاری روڈ منصوبے کا بھی معائنہ کیاانجینیئرز کو سختی سے ہدایت کی کہ منصوبے کو مقررہ مدت میں مکمل کیا جائے۔