الیکشن جیتنے کے باوجود تاحال انصاف نہ ملنا افسوسناک ہے‘ پی ٹی آئی

راولپنڈی (مانیٹرنگ ڈیسک) 8فروری 2024ء کو پاکستان کے قومی انتخابات میں کامیابی حاصل کرنے کے باوجود تاحال انصاف نہ ملنا افسوس ناک امر ہے۔ راولپنڈی ڈویژن میں 27سیٹوں پر جیتے ہوئے امیدواروں کو دانستہ ہرانے کے کمشنر راولپنڈی کے اعترافی بیان کے بعد بھی انصاف کے ایوانوں کو نوٹس لینا چاہئے تھا۔ اپنے مخالفین سے تین گنا زیادہ ووٹ حاصل کر کے جیتنے والے پاکستان تحریک انصاف کے قائدین آج بھی مقدمات اور جبری ہتھکنڈوں فسطائیت کا مقابلہ کر رہے ہیں۔ ان خیالات کا اظہار پاکستان تحریک انصاف شمالی پنجاب کے صدر ملک تیمور مسعود کی ہدایت پر منعقدہ کنونشن میں خطاب کرتے ہوئے شرکاء نے کیا۔