نواز شریف ،شہباز شریف کے کزن میاں شاہد شفیع انتقال کر گئے، نمازجنازہ ادا،آبائی قبرستان میں سپردخاک

لاہور(خصوصی نمائندہ)پاکستان مسلم لیگ (ن) کے صدر و سابق وزیر اعظم محمد نواز شریف اور وزیراعظم پاکستان محمد شہباز شریف کے کزن میاں شاہد شفیع انتقال کر گئے انکو نماز جنازہ کی ادائیگی کے بعد آبائی قبرستان میں سپرد خاک کر دیا گیا ۔ مرحوم کی نماز جنازہ ماڈل ٹائون لاہور کی جامع مسجد اتفاق میں سید حسین شاہ نے پڑھائی ۔ نماز جنازہ میں صدر مسلم لیگ (ن) محمد نواز شریف، وزیر اعظم محمد شہباز شریف ، سابق وزیر اعلیٰ پنجاب حمزہ شہباز شریف ،سلیمان شہباز، وفاقی وزیر دفاع خواجہ آصف، سابق نگران وفاقی وزیر گوہر اعجاز، صوبائی وزیر بلال یاسین، وداقی وزیر امیر مقام ،میاں جاوید لطیفچودھری شیر علی، چودھری عابد شیر علی، سہیل ضیا ء بٹ، عمر سہیل ضیا ء بٹ، رانا محمد ارشد ،روحیل منیر، وقاص قریشی، میاں فیصل وحید ،اشتیاق احمد لون، عزیز الرحمن چن، ابراہیم حسن مراد ،قیصر شریف ،سینئر صحافی سلمان غنی سمیت اراکین قومی و صوبائی اسمبلی ، سیاسی ،مذہبی ، کاروباری و سماجی شخصیات کی کثیر تعداد نے شرکت کی ۔نماز جنازہ کی ادائیگی کے بعد مرحوم کو آبائی قبرستان میں سپرد خاک کر دیا گیا ۔ وزیر اعلیٰ پنجاب مریم نواز شریف سمیت خاندان کے دیگر افراد بھی میاں شاہد شفیع کے اہل خانہ سے اظہار تعزیت کے لئے ان کی رہائشگاہ پہنچے ۔ نماز جنازہ کے موقع پر سکیورٹی کے غیر معمولی انتظامات کئے گئے ۔