عالمو چوک پر گولی لگنے سے نوجوان زخمی

کوئٹہ( اسٹاف رپورٹر) شہر میں ہوائی فائرنگ کا سلسلہ بدستور جاری، عالمو چوک پر اندھی گولی لگنے سے نوجوان زخمی ہو گیا پولیس کے مطابق گوالمنڈی چوک کا رہائشی نوجوان گزشتہ روز موٹرسائیکل پر ایئر پورٹ روڈ سے واپس گھر جا رہا تھاکہ عالمو چوک پر نامعلوم سمت سے آنے والی اندھی گولی لگنے سے زخمی ہو گیا پولیس نے زخمی کو ہسپتال پہنچایا واضح رہے کہ ہوائی فائرنگ پر پابندی کے باوجود مختلف علاقوں میں آئے روز ہوائی فائرنگ کا سلسلہ جاری ہے جس کے باعث چار بچے جاں بحق جبکہ ایک درجن سے زائد افراد زخمی ہو چکے ہیں۔