تاریخ رقم، ایران اور خلیجی ممالک کیلئے فیری سروس لائسنس کی منظوری

اسلام آباد( نیوز رپورٹر)وفاقی وزارت بحری امور نے فیری سروس لائسنس کی اصولی منظوری دیدی ،وفاقی وزیر محمد جنید انوار چوہدری کی کوششوں سے تاریخی پیش رفت سامنے آئی ہے۔وفاقی وزارت بحری امور نے تصدیق کی ہے  کہ سی کیپرز کو ایران اور خلیجی ممالک کے لیے فیری لائسنس کی منظوری دی گئی ،آج بحری رابطے کی نئی تاریخ رقم ہوئی ہے، زائرین اور مزدوروں کو سستا سفر میسر ،کراچی اور گوادر سے  آغاز ہوگا،پیر کے روز وفاقی وزارت بحری امور نے فیری سروس لائسنس کی اصولی منظوری کی تصدیق کی،سی کیپرز کو ایران اور خلیجی ممالک کے لیے فیری لائسنس کی منظوری دی گئی۔اس موقع پر گفتگو کرتے ہوئے وفاقی وزیر جنید انوار چوہدری نے کہا کہ آج بحری رابطے کی نئی تاریخ رقم ہوئی ہے،فیری سروس سے زائرین اور مزدوروں کو سستا سفر میسر ہوگا،کراچی اور گوادر سے فیری سروس کا آغاز ہوگا۔انہوں نے کہا کہ سمندری سفر محفوظ، آرام دہ اور قابل استطاعت بنایا جائے گا،پاکستان کی سمندری معیشت کو فروغ ملے گا،فیری سروس سے علاقائی سیاحت اور تجارت کو فروغ ملے گا،فیری سروس شروع کرنے کے لئے کوششیں تیز کر دی ہیں۔