سٹیل ملز بحالی ؛پاک روس انجینئرنگ ، پروکیورمنٹ کنسٹرکشن معاہدہ ہوگا

اسلام آباد( تنویر ہاشمی ) پاکستان سٹیل ملز کی بحالی کے لیے پاکستان اور روس کے مابین انجینئرنگ ، پروکیورمنٹ اینڈ کنسٹرکشن( ای پی سی) معاہدہ ہوگااس کےلیے پاکستان نے 15ستمبر تک فزیبلٹی سٹڈی مکمل کر لی جائے گی ، یہ فزیبلیٹی سٹڈی روس کی کمپنی تیار کرے گی اور اس پر آنے والی لاگت بھی روسی کمپنی برداشت کرے گی ،پاکستان سٹیل ملز کی بحالی کےلیے روس اور پاکستان کے مابین پروٹوکول پر جولائی میں دستخط کیے گئے، نئی پاکستان سٹیل ملز کے قیام کےلیے 700ایکٹر کی سٹیل ملز کی اراضی مختص کر دی گئی ہے ، پاکستان سٹیل ملز کی مکمل بحالی پر ایک سال کا عرصہ لگ سکتا ہےاور سٹیل ملز کی بحالی کی صورت میں پاکستان کو چارارب ڈالر کے زرمبادلہ کی بچت ہوگی اور پاکستان کو ساڑھے تین سے چار ارب ڈالر کے سٹیل کی درآمد پر خرچ میں بچت ہوگی۔، وزارت صنعت وپیداوار کے حکام کے مطابق فیزیبلٹی سٹڈی میں یہ فیصلہ کیا جائےگا کہ پاکستان سٹیل ملز کو بلاسٹ فرنس کی ٹیکنالوجی کے طریقہ کار پر بحال کیاجائے گا یا بلاسٹ فرنس کے بغیر طرقہ کار کو اختیار کیا جائے گا، نئے بلاسٹ فرنس کی تنصیب پر ایک ارب ڈالر کی لاگت آئےگی یا موجودہ بلاسٹ فرنس میں موجود منجمد خام لوہےکو پگھلاکر باہر نکالاجائےگا جس پر 40کروڑ ڈالر کی لاگت آئے گی ، ذرائع کے مطابق پاکستان سٹیل ملز کے موجودہ بلاسٹ فرنس کے قابل مرمت ہونے کی صورت میں میں خام لوہے کے بلاک کو پگھلا کر نکالاجائےبصورت دیگر نئے فرنس نصب کیے جائیں گے، روس نے پاکستان سٹیل ملز کی بحالی کےلیے ای پی سی کنٹریکٹ کی پیش کش کی ہے، روس پاکستان سٹیل ملز کی بحالی کےلیے مالی معاونت بھی کرنے کو تیار ہےجبکہ کچھ فنڈنگ پاکستان کو خود فراہم کرنا ہوگی۔