صدر زرداری وزیر اعظم ہائوس پہنچ گئے، شہباز شریف سے کزن میاں شاہد شفیع کے انتقال پر اظہار تعزیت

اسلام آباد( نیو زرپورٹر)صدر آصف علی زرداری نے وزیراعظم محمد شہباز شریف سے وزیر اعظم ہائوس میں ملاقات کی اور ان کے کزن میاں شاہد شفیع کے انتقال پر اظہار تعزیت کیا۔ پیر کو وزیراعظم آفس جاری بیان کے مطابق صدر آصف علی زرداری اور وزیراعظم محمد شہباز شریف کے درمیان ملاقات ہوئی۔صدر آصف علی زرداری نے وزیراعظم سے ان کے کزن میاں شاہد شفیع کے انتقال پر تعزیت کا اظہار کیا۔ صدر مملکت نے مرحوم کے بلندی درجات ان کے اہل خانہ کے لئے صبر جمیل کی دعا کی۔ صدر آصف علی زرداری نے مرحوم میاں شاہد شفیع کے بڑے بھائی جاوید شفیع سے بھی ٹیلی فون پر رابطہ کیا اور تعزیت کی۔