مالی سال 2024-25 میں پاکستان کا مجموعی بجٹ خسارہ 61.6 کھرب روپے

اسلام آباد(مہتاب حیدر) مالی سال 2025 کے اختتام پر پاکستان کا مجموعی بجٹ خسارہ 61.6 کھرب روپے رہا، جو کہ مجموعی قومی پیداوار (GDP) کا 5.4 فیصد بنتا ہے۔ تاہم شماریاتی فرق (statistical discrepancy) بڑھ کر 3.2 کھرب روپے ہو گیا، جو کہ مالی سال 2024 میں 1.7 کھرب روپے تھا۔شماریاتی فرق وہ مالیاتی تفاوت ہوتا ہے جو آمدن اور اخراجات کے مختلف اندازوں کے درمیان پایا جاتا ہے۔ چونکہ یہ ڈیٹا مختلف ذرائع سے مختلف طریقوں سے حاصل کیا جاتا ہے، اس لیے بعض اوقات آمدن اور اخراجات کا مکمل میل نہیں ہو پاتا، جس سے یہ فرق پیدا ہوتا ہے۔وزارتِ خزانہ کی جانب سے جاری کردہ مالیاتی رپورٹ کے مطابق مجموعی آمدن بشمول ٹیکس اور غیر ٹیکس آمدن 168 کھرب روپے رہی۔ اس میں سے صوبوں کو 68.5 کھرب روپے منتقل کیے گئے، جس کے بعد وفاقی حکومت کے پاس خالص آمدنی 99.4 کھرب روپے بچی۔