PTIکو ووٹ دینے والے بھی مایوس،شیر پر مہر لگائینگے، سعد رفیق

05 دسمبر ، 2021

لاہور(خصوصی نمائندہ)مسلم لیگ (ن) کے مرکزی رہنما خواجہ سعد رفیق نےلاہور کے حلقہ این اے 133میں ضمنی انتخاب کو حکمرانوں کے ساڑھے 3سالہ دور کے خلاف ریفرنڈم قرار دیتے ہوئے کہا ہے کہ پیپلز پارٹی کا (ن) لیگ سے کوئی مقابلہ نہیں ، جنہوں نے پی ٹی آئی کو ووٹ دئیے وہ بھی مایوس ہو چکے ہیں، پی ٹی آئی کے لوگ بھی شیر پر مہر لگائیں گے۔ جس طرح پیپلز پارٹی نے کراچی کی شکل بگاڑ دی اور اب لاہور کےعوام پر غلاظت کی یلغار کرنے کی کوشش کی انہیں بھی منہ کی کھانا پڑیگی۔(ن) لیگ واحد جماعت ہے جو ملک کو بحرانوں سے باہر نکال سکتی ہے۔ان خیالات کا اظہار مسلم لیگ (ن) کے مرکزی رہنما خواجہ سعد رفیق نے عطا اللہ تارڑ، خواجہ عمران نذیر ،علی پرویز ملک اور دیگر کے ہمراہ پارٹی سیکرٹریٹ میں پریس کانفرنس کرتے ہوئے کیا ۔