حق دو بلوچستان کو تحریک ، وزیر اعلیٰ اور کور کمانڈر سے مذاکرات کا مطالبہ

گوادر ( نامہ نگاران )’’ گوادر کوحق دو تحریک ‘‘کا دھرنا مسلسل 20ویں روز بھی جاری رہا ،تحریک اب پورے بلوچستان تک پھیل گئی ، حق دو گوادر تحریک اب ’’حق دو بلوچستان کو ‘‘ کی تحریک بن گئی ہے، تحریک کے سربراہ مولانا ہدایت الرحمان نے مطالبہ کیا ہے کہ وزیراعلیٰ بلوچستان ، چیف سیکرٹری بلوچستان اور کور کمانڈر خود مذاکرات کیلئے آئیں، صوبائی حکومت مذاکرات کےلئے بے اختیار لوگوں کو بھیج رہی ہے جن کے اعلانات جھوٹے ثابت ہورہے ہیں۔ صوبائی مشیر داخلہ ضیاء اللہ لانگو نے پریس کانفرنس سے خطاب کرتے ہوئے دعویٰ کیا کہ صوبائی حکومت نے تحریک کے تمام مطالبات تسلیم کرلئے ہیں ، مولانا ہدایت الرحمان یہاں کے لوگوں پر رحم کرکے 20 دنوں سے جاری دھرنا ختم کریں، ٹرالرز مافیا کے خلاف کاروائی جاری ہے، 5 ہراز پولیس اہلکاروں کو گوادر بجھوانے کا فیصلہ گوادر کے امن و امان کو برقرار رکھنے کے پیش نظر کیا گیا ہے، دھرنا کو طاقت کے زریعے ختم کروانے کے حق میں شروع سے نہیں۔