خیبر پختونخوا کے وزیر صحت و خزانہ تیمورسلیم جھگڑا ”ایک دِن جیو کے ساتھ“

05 دسمبر ، 2021

کراچی (جنگ نیوز) خیبر پختونخوا کے وزیر خزانہ و صحت تیمور سلیم جھگڑا نے کہا ہے کہ پی ٹی آئی میں شمولیت کے وقت میری بہت مخالفت ہوئی۔ اب ہر تیسرے چوتھے دِن میرے وزیراعلیٰ بننے کی افواہیں آتی ہیں۔ اِن خیالات کا اظہار اُنہوں نے ”جیونیوز“ کے پروگرام ”ایک دِن جیو کے ساتھ“ میں گفتگو کرتے ہوئے کیا۔ پروگرام کے میزبان سہیل وڑائچ کے مختلف سوالوں کا جواب دیتے ہوئے سلیم جھگڑا نے کہا کہ وزیراعظم عمران خان معیشت کو ہمیشہ کیلئے ٹھیک کرنا چاہتے ہیں۔ محکمہ صحت میں اب بھی ریفارمز کی ضرورت ہے۔ اُنہوں نے بتایا کہ وزارت کی تنخواہ سے زیادہ نجی ملازمت میں کما لیتا تھا۔ گاڈ فادر فلم بہت پسند ہے۔ شو میں دیگر دلچسپ سوال و جواب بھی شامل ہیں۔ خیبر پختونخوا کے وزیر خزانہ و صحت تیمور سلیم جھگڑا کی تفصیلی گفتگو ناظرین اتوار کی شام7بجکر5منٹ پر دیکھ سکیں گے۔