گورنمنٹ حج سکیم تحت در خواستوں کی وصولی کا آج آخری دن

اسلام آباد (رانا غلام قادر )وزارت مذہبی امور کی گورنمنٹ حج سکیم کے تحت در خواستوں کی وصولی کا آج آخری دن ہے۔ وزارت مذہبی امور کے ذرائع نے بتا یا کہ جمعہ کے روز تک عازمین حج نے ایک لاکھ پانچ ہزار 300 درخواستیں جمع کرائیں ۔ مطلوبہ تعداد پوری ہوتے ہی درخواستوں کی وصولی روک دی جائے گی ۔ پاکستان کا حج کوٹہ ایک لاکھ 79 ہزار 210 ہے جس میں سے 70 فیصد سرکاری اور 30 فیصد پرائیویٹ سکیم کا ہے۔ گورنمنٹسکیم کے تحت ایک لاکھ 18ہزار د ر خواستیں جمع کرنے کا ہدف مقرر کیا گیا ہے۔ہفتہ 16 اگست کو درخواستیں جمع کرانے کے خواہشمند افراد کیلئے 14 بینکوں کی مجاز شاخیں کھلی رہیں گی۔ وزارت مذہبی امور حج 2026ء کیلئے پہلے آئیے پہلے پا یئے کی بنیاد پر حج درخواستیں جمع کر رہی ہے۔