ون وے کی خلاف ورزی ،13دنوں میں 3ہزار سے زائد گاڑیوں اورموٹرسائیکلوں کے ای چالان

لا ہو ر (کر ائم رپو رٹرسے)ون وے کی خلاف ورزی پر پنجاب سیف سٹیز اتھارٹی نے 13 دنوں میں 03 ہزار سے زائد گاڑیوں، موٹرسائیکلوں کو دو ہزار روپے کے ای چالان ٹکٹ جاری کیے جس میں ٹرک،رکشہ اور دیگر گاڑیاں بھی شامل تھیں۔واضح رہے پنجاب سیف سٹیز اتھارٹی نے عدالتی احکامات کی روشنی میں ون وے خلاف ورزی پر ای چالان جرمانے میں اضافہ کیا۔اس موقع پر چیف آپریٹنگ آفیسر محمد کامران خان کا کہنا تھاکہ عدالتی احکامات پر من و عن عملدرآمد کیا جارہا ہے۔ون وے کی خلاف ورزی روکنے کے لیے سٹی ٹریفک پولیس کے ساتھ ملکر شہریوں کو پابند بنانے کی کوشش جاری ہے۔