مولاناطارق جمیل کاصوفی مسعود احمد صدیقی کے انتقال پراظہارتعزیت

05 دسمبر ، 2021

لاہور(خبر نگار)ممتاز عالم دین مولانا طارق جمیل نے تنظیم مشائخ عظام پاکستان کے امیرصوفی مسعوداحمد صدیقی کے انتقال پر گہرے رنج و غم کا اظہار کیا ہے ، انہوں نےصوفی مسعوداحمد صدیقی کے صاحبزادے اورتنظیم مشائخ عظام پاکستان کے مرکزی رہنما صاحبزادہ پیر شبیر احمد صدیقی سے ملاقات کے دوران ان سے ا ظہار تعزیت کیا۔ مولانا طارق جمیل کا کہنا تھاکہ درودوسلام کے پیغام کو دنیا کے کونے کونے میں پھیلانے ، اصلاح معاشرے ، مذہبی رواداری کے فروغ ، فرقہ واریت کے خاتمے اور ملکی استحکام کیلئے امیر تنظیم مشائخ عظام پاکستان صوفی مسعوداحمد صدیقی کی خدمات کو کسی صورت فراموش نہیں کیا جاسکتا۔مولانا طارق جمیل کا کہنا تھاکہ دکھ کی اس گھڑی میں ہم امیر تنظیم مشائخ عظام پاکستان کی فیملی اور تنظیم مشائخ عظام پاکستان میں شامل مشائخ عظام و مرید ین و عقیدتمندوں کے ساتھ برابرشریک ہیں۔ ، مولانا طارق جمیل نے مرحوم کے درجات کی بلندی کیلئے فاتحہ خوانی بھی کی ۔