ترقی کسی بھی آفیسرزکے لیے بہت بڑی نعمت ہے ،چیف ایگزیکٹو آفسیر

لاہور (جنرل رپورٹر)چیف ایگزیکٹیو آفیسر پاکستان ریلویز نثار احمد میمن کی جانب سے پاکستان ریلوے کے مختلف شعبہ جات سے تعلق رکھنے والے افسران کی گریڈ 20 سے 21 اور گریڈ 19 سے 20 میں ترقی پانے والے افسران کے اعزاز میں ریلوے ہیڈ آفس لاہور میں چائے پارٹی تقریب کا اہتمام کیا گیا تھا۔ تقریب سے خطاب کرتے ہوئے چیف ایگزیکٹو آفیسر پاکستان ریلویز نثار احمد میمن نے کہا کہ آپ سب لوگوں کو آپ کی ترقی پر بہت مبارکباد پیش کرتا ہوں۔ ترقی کسی بھی آفیسرز کے لیے بہت بڑی نعمت ہوتی ہے۔آپ تمام آفیسرز کو دل جمعی اور محنت کے ساتھ پاکستان ریلوے کو آگے لے کر جانا ہے اور اس کی ترقی میں معاون رول ادا کرنا ہے۔اس موقع پر فیڈرل گورنمنٹ انسپکٹر آف ریلویز فرخ تیمور غلزئی، ایڈیشنل جنرل منیجر ٹریفک سید مظہر علی شا ہ اور ایڈیشنل جنرل مکینکل سلمان صادق شیخ، ایڈیشنل جنرل منیجرانفراسٹرکچر ارشد سلام خٹک نے بھی ترقی پانے والے افسران کو مبارکباد دیتے ہوئے نیک تمناؤں کا اظہار کیا ۔