مسلم لیگ (ن) نے حلقہ این اے 129میں ہونے والے ضمنی انتخاب میں حافظ نعمان کو ٹکٹ جاری کر دیا

لاہور ( جنرل رپورٹر )پاکستان مسلم لیگ (ن) نے حلقہ این اے 129میں ہونے والے ضمنی انتخاب میں حافظ میاں نعمان کو ٹکٹ جاری کر دیا ۔پاکستان مسلم لیگ(ن) کے صدر محمد نواز شریف کے دستخطوں سے باضابطہ ٹکٹ کا اجراء کر دیا گیا ۔مذکورہ نشست تحریک انصاف کے رکن قومی اسمبلی میاں محمد اظہر کے انتقال سے خالی ہوئی تھی جہاں ضمنی الیکشن 18ستمبر کو ہو گا۔علاوہ ازیں مسلم لیگ (ن) نے پی پی 87میانوالی کے ضمنی انتخاب کے لئے علی حیدر نور خان نیازی کو بھی پارٹی ٹکٹ دیا ہے۔مذکورہ نشست اپوزیشن لیڈر ملک احمد خان بھچر کو 9مئی کیس میں سزا کے بعد خالی ہوئی تھی۔