سینیٹ داخلہ کمیٹی نے منگل کو دو اہم بل منظور کر لیے

اسلام آباد(ایوب ناصر ، خصوصی نامہ نگار) سینیٹ داخلہ کمیٹی نے منگل کو دواہم بل منظور کر لیے اور ارکانِ پارلیمنٹ کو سکیورٹی فراہم کرنے کا مطالبہ کیا،کمیٹی نے "صوبائی موٹر وہیکلز (ترمیمی) بل 2025" منظور کر لیا۔ اس بل کے محرک سینیٹر سرمد علی نے کہا کہ اس بل کا مقصد ملک میں کام کرنے والی مختلف نجی سروسز کو ریگولیٹ کرنا ہے کیونکہ یہ رائیڈ شیئرنگ سروسز اس وقت کسی قانون کے تحت منظم نہیں ہیں،کمیٹی نے مزید دو اہم بلز بھی منظور کیے، یعنی "کپیٹل ڈویلپمنٹ اتھارٹی (ترمیمی) بل 2025 اور "فیڈرل پروسیکیوشن سروس ٹربیونل (ترمیمی) بل 2025"۔ پہلا بل متاثرین کو معاوضے سے متعلق ہے اور زمین کی شراکت کے ذریعے معاوضہ دینے کا آپشن فراہم کرتا ہے۔ دوسرا بل وفاقی عدالتوں کے دائرہ اختیار کو اس قانون کے تحت لانے کے لیے ہے، سینیٹ کی قائمہ کمیٹی برائے داخلہ و انسدادِ منشیات کا اجلاس زیر صدارت سینیٹر فیصل سلیم رحمان منعقد ہوا ،سینیٹر اسلم ابڑو نے اپنے بھائی، سندھ اسمبلی کے رکن، اور بھتیجے کے قتل کے المناک واقعے پر بریفنگ دی۔