رواں مالی سال کیلئے دیت کی نئی رقم 98 لاکھ 28 ہزار 670 روپے مقرر

اسلام آباد( تنویر ہاشمی) وفاقی حکومت نے رواں مالی سال 2025-26کے لیے دیت کی نئی رقم مقرر کر دی ، اور دیت کی رقم میں گزشتہ سال کے مقابلےمیں 17لاکھ24ہزار715روپے اضافہ کرتے ہوئے نئی رقم 98لاکھ28ہزار670روپے مقرر کر دی ہے ، مالی سال 2024-25میں دیت کی رقم 81لاکھ تین ہزار955روپے تھی ، وزارت خزانہ کے جاری نوٹیفکیشن کے مطابق رواں برس کی مقرر کی گئی دیت کی رقم 30ہزار630گرام چاندی کی مالیت کے مساوی ہے۔