یونیورسٹی آف ایجوکیشن میںیوم معذوراں منایاگیا

لاہور ( پ ر ) یونیورسٹی آف ایجوکیشن، لاہور میں عالمی یوم معذوراں منایا گیا ۔ دن کی مناسبت سے جامعہ کے سپیشل ایجوکیشن ڈیپارٹمنٹ نے ٹائون شپ کیمپس میں ایک آگاہی واک اور سیمینار کا اہتمام کیا، جس کی سربراہی یونیورسٹی آف ایجوکیشن کے وائس چانسلر پروفیسر ڈاکٹر طلعت نصیر پاشا نے کی۔واک کے اختتام پر پروفیسر ڈاکٹر طلعت نصیر پاشا (ستارہِ امتیاز) نے جامعہ میں معذور افراد کے لئے بہترین سہولیات کی حامل ایک لیب کا بھی افتتاح کیا۔ اس موقع پر ڈاکٹر ایاز خان ا ور ڈاکٹر شاہین پاشا سمیت متعدد افراد موجود تھے۔