سب رجسٹرار آفس نشتر ٹائون کی قذاقی سٹیڈیم منتقلی نہ ہوسکی

کاہنہ (نامہ نگار )سب رجسٹرارآفس نشترٹاون کی قذافی سٹیڈیم منتقلی وکلانے تالا بندی کرکے روک دی۔ حکومت کو ریونیوکی مد میں کروڑوں کا خسارہ جبکہ مقامی اشٹام فروشوں ،وکلا اور پراپرٹی خریدنے والے شہریوں کو رجسٹریوں کی تکمیل نہ ہونے پر شدید مشکلات کاسامنا ہے۔ ماڈل ٹاون کچہری لاہور میں نئے جوڈیشل کمپلیکس کی تعمیر کے سلسلہ میں دفاترخالی کرکےقذافی سٹیڈیم منتقل کرنے کاکہا گیا جس پر یہ دفاتر یہاں سے منتقل ہو گئے۔مگر سب رجسٹرارآفس نشترٹاون کو وکلا نے روک دیااور دفتر کی تالا بندی کردی۔اس سلسلہ میں ماڈل ٹاون کچہری لاہور سےلاہور بار کے نائب صدررانا کوثرسلہری نے رابطہ پر بتایا کہ دفتر کےیہاں سے منتقل ہونے سےوکلااور عوام کو شدید مشکلات کا سامنا کرنا پڑے گاجبکہ ہم نے نئی تعمیر ہونےوالی بلڈنگ میں سب رجسٹرار آفس لیے پوراپورشن تجویز کیا ہے۔ اور ہمارے ADCRاورسیشن جج لاہور سےمذاکرات جاری ہیں۔