تمام تھانوں کےناکارہ فلٹریشن پلانٹ تبدیل کرنے کاحکم

لاہور(کر ائم رپو رٹرسے) آئی جی پولیس پنجاب نے مختلف تھانوں میں پینے کے صاف پانی کی عدم دستیابی کے حوالے سے اپنے پورٹل پر منظر عام پر آنے والی شکایات کا نوٹس لیتے ہوئے مختلف تھانوں میں نصب ناکارہ فلٹریشن پلانٹ تبدیل کرنے کا حکم دے دیا ہے آئی جی رائو سردار علی کے مطابق فلٹریشن پلانٹس کی تبدیلی کے لئے انہوں نے تین ماہ قبل ہی فنڈز فراہم کردئیے تھے۔ جس کے باعث فلٹریشن پلانٹس کی تبدیلی میں کوئی رکاوٹ نہیں ہے۔