ریلیف کیمپس کوبھرپورسکیورٹی ودیگرسہولیات فراہم کررہے ہیں،آئی جی

لاہور ( کرائم رپورٹر ) انسپکٹر جنرل پولیس پنجاب ڈاکٹر عثمان انور نے لاہور سمیت مختلف اضلاع میں سیلابی صورتحال کے پیش نظر متاثرہ اضلاع کے ڈی پی اوز کو الرٹ رہنے کی ہدایت دیتے ہوئے کہا ہے کہ صوبے بھر کے نشیبی علاقوں میں کسی بھی ہنگامی صورتحال میں ریسکیو اداروں کو بھرپور معاونت فراہم کی جائے،پنجاب پولیس سیلاب ذدہ علاقے کے شہریوں کی جان ومال کا تحفظ یقینی بنا رہی ہے جبکہ ریلیف کیمپس کو بھرپور سکیورٹی اور دیگر سہولیات بھی فراہم کی جارہی ہیں۔ آئی جی پنجاب نے مزید کہا کہ پنجاب پولیس پی ڈی ایم اے سمیت ضلعی انتظامیہ، ریسکیو، سکیورٹی اداروں کے ساتھ موثر کوارڈینشن میں ہے اور سیلاب متاثرین کی ریسکیو، ریلیف اور بحالی سرگرمیوں میں دیگر اداروں کے شانہ بشانہ ہے۔ آئی جی پنجاب نے آر پی اوز، ڈی پی اوز اور سپروائزری افسران کو ہدایت دی کہ سیلاب زدہ علاقوں میں ریسکیو اینڈ ریلیف سرگرمیوں کی خود نگرانی کریں۔