ضلع اٹک میں تیل و گیس کی بڑی دریافت

کراچی ( اسٹاف رپورٹر)پاکستان پیٹرولیم لمیٹڈ نے پنجاب کے ضلع اٹک میں تیل و گیس کی بڑی دریافت کا اعلان کیا ہے ،اس کنویں سے یومیہ1,469 بیرل تیل اور 2.56 ایم ایم سی ایف گیس حاصل ہو گی ،پاکستان پٹرولیم لمیٹڈ (پی پی ایل) اعلامیہ میں کہا گیا ہے کہ ملک کی معروف ایکسپلوریشن اینڈ پروڈکشن کمپنی صوبہ پنجاب کے ضلع اٹک میں واقع ڈھوک سلطان-03 کنویں میں تیل اور گیس کی اہم دریافت کااعلان کرتی ہے۔ ڈھوک سلطان بلاک میں ہونے والی تاریخی دریافت نہ صرف پی پی ایل اور اس کے شراکت دار گورنمنٹ ہولڈنگز پرائیویٹ لمیٹڈ (جی ایچ پی ایل) کے لیے ایک اہم سنگ میل ہے۔