اسپیکٹرم مقدمات، حکومت کاچیف جسٹس کے سامنے معاملہ اٹھانے کا فیصلہ

اسلام آباد (ساجد چوہدری )وفاقی حکومت نے طویل عرصہ سے اسپیکٹرم سے متعلق عدالتوں میں جاری مقدمات کا معاملہ چیف جسٹس آف پاکستان کے سامنے اٹھانے کا فیصلہ کیا ہے ، ذرائع کے مطابق وزیراعظم شہبازشریف نے اٹارنی جنرل کو چیف جسٹس آف پاکستان سے ملاقات کی ہدایت کر دی ہے ، اٹارنی جنرل ٹیلی کام سیکٹر سے متعلق عدالتوں میں زیرالتوا مقدمات کے حوالےسے چیف جسٹس سے بات کریں گے ،ذرائع کے مطابق اسپیکٹرم کے بارے عدالتوں میں موجود مقدمات نیلامی میں رکاوٹ بنے ہوئے ہیں ، اٹارنی جنرل چیف جسٹس کو ٹیلی کام سیکٹر کے قانونی تنازعات سے ہونے والے نقصانات کے بارے بھی آگاہ کریں گے ، ذرائع کے مطابق چیف جسٹس سے براہ راستہ رابطہ کا فیصلہ مقدمات کے خاتمہ میں ناکامی پر کیا گیا ہے ، پاکستان میں تقریباً 151.6 میگا ہرٹز اسپیکٹرم قانونی تنازعات کی زد میں ہے ، دو دہائیوں سے اسپیکٹرم سے متعلق عدالتوں میں جاری مقدمات حکومت کے لیے درد سر بن گئے ہیں ، حکومت نے قانونی تنازعات سے پاک کلین سپیکٹرم کی نیلامی کو مشن بنا لیا۔