وفاقی حکومت کی جانب سے بیرون ملک سےمزید چینی منگوانےکےاقدامات جاری

اسلام اآ باد ( رانا غلام قادر )وفاقی حکومت کی جانب سے بیرون ملک سےمزید چینی منگوانے کےاقدامات جاری ہیں۔ ٹریڈنگ کارپوریشن آف پاکستان مزیدچینی کی درآمد کے لیےٹینڈرآج برو زپیر کھولے گا۔حکو متی ذ رائع کے مطا بق ٹی سی پی نے8 ستمبرتک ایک لاکھ میٹرک ٹن چینی کی درآمد کے لیےبولیاں طلب کررکھی ہیں۔چینی کی درآمد کے لیے25 ہزار ٹن سے کم کی بولیاں منظورنہیں کی جائیں گی۔اس سے قبل ٹی سی پی نے2 لاکھ ٹن چینی کی درآمد کے لیے ٹینڈر21 اگست کو کھولاتھا۔ٹریڈنگ کارپوریشن آف پاکستان کوٹینڈرمیں6 بولیاں موصول ہوئیں تھیں۔ٹی سی پی کوٹینڈر کےتحت کم سے کم بولی560 ڈالرزفی میٹرک ٹن ملی تھی۔ ٹینڈرکےتحت560 سے لیکر 592 ڈالرز فی میٹرک ٹن بولیاں موصول ہوئیں تھیں۔ چینی کے ٹیندرکے تحت بیئر سینڈکٹ ایف زیڈ سی او یو اے ای نے سب سے کم بولی دی تھی ۔وفاقی کابینہ نےاس سال جولائی میں5 لاکھ میٹرک ٹن چینی درآمد کرنے کی منظوری دی تھی ۔چینی سرکاری سطح پر ٹی سی پی کے ذریعےدرآمد کرنے کا فیصلہ ہوا تھاوفاقی حکومت نےچینی کی درآمد پر ٹیکسزسے استثنیٰ دے رکھا ہے۔